Великомученику Евстафию Плакиде
 

 


Молитва:
О, преславный святый и многострадальный великомучениче Христов Евстафие! Услыши ны грешныя и недостойныя, святую многострадальную память твою празднующия. Испроси нам у Господа многомощными молитвами твоими благодать, яже ко спасению, и всех грехов содеянных нами прощение, земли благоплодие, миру мирное устроение и от лютых диавольских козней свобождение, христианскую кончину жития нашего и немятежное чрез воздушныя мытарства к небеси прехождение, ты бо приял еси благодать сию от Господа, еже молитися за ны, и аще восхощи помиловати нас, почитающих священную память твою. Вся можеши сотворити. Не презри убо нас недостойных, святый великомучениче Евстафие. Испроси от Господа вся благая и полезная душам нашим, яко да и мы удостоимся славити и воспевати Всесвятое и великолепое Имя Его во премирном Царствии Небеснем, идеже есть всех святых жилище, во веки веков. Аминь.

 


 


Тропарь, гл.4: Мученика Евстафия Апсильского:Мученик Твой, Господи Евстафие, / во страдании своемвенец прият нетленный от Тебе, Бога нашего; / имеяй бо крепость Твою, мучителей низложи, / сокруши и демонов немощныя дерзости. // Того молитвами спаси души наша.Кондак, гл.2:Звезда светлая явился еси непрелестная мирови, / Солнца Христа возвещающи зарями твоими, страстотерпче Евстафие, / и прелесть погасил еси всю, / нам же подаеши свет, // моляся непрестанно о всех нас.Величание:Величаем тя, / страстотерпче святый Евстафие, / и чтем честная страдания твоя, / яже за Христа // претерпел еси.

 
 


Cвятыни Абхазии
   

   
 
 
  Яндекс.Метрика
Храм Святого Великомученика Евстафия Апсильского Goon Каталог сайтов Истина Православия